வாழ்க்கை எனும் போராட்டம்!

விடியல் தேடும் இரவுகளில் விழிமூடா வலிகள் சில உண்டு; விதி என்று ஒதுங்கிவிட - இங்கே விவேகம் யாரிடமும் இல்லை! சுட்டெரிக்கும் வெயிலில் சுமந்து செல்லும் கனவுகள்; காலணி இல்லாத பாதங்களில் கல்லும் முள்ளும் கவிதைகள்! வியர்வை துளிகள் மண்ணில் விழ விளைச்சல் ஏனோ கண்ணீரில்... பசி என்னும் தீ அணைய - நிதம் பயணங்கள் தொடருது தேடலில்! இருப்பவன் சிரிக்கும் சிரிப்பில் இல்லாதவன் இதயம் காயமே; இருப்பினும் மனம் தளராது - தினம் இலக்கை நோக்கி நகருமே! வலிகள் நிறைந்த பாதையிலே வலிமை பிறப்பது உண்மையே; வாடிடாமல் போராடினால் - நாளை வெற்றி நிச்சயம் நம்மையே!