ஆயிரங்கால் மந்திரம்

ராஜூ - மாலை கட்டும் தொழிலாளி. மழைத்துளிகளில் வண்ணங்களையும், பெண்ணின் முகத்தையும் காணும் அசாதாரணப் பார்வை அவனுக்கு உண்டு. சந்திரா - ஓவியக்காரி. அவள் வரையும் ஓவியங்கள் உயிர் பெறும். அவள் மாளிகை முன் 400 வருடங்களாகப் பூக்காத மல்லிகைச் செடி ஒன்று உள்ளது - அது ஒரு சாபத்தின் அடையாளம். ஒரு மழைக்காலத்தில் இருவரும் சந்திக்கிறார்கள். அவர்களுக்குள் 400 வருடங்களாகத் தொடரும் காதல் ஒன்று இருப்பதை உணர்கிறார்கள். ஒவ்வொரு மழைக்காலத்திலும் அவர்கள் காதலிப்பதும், ஒரு சிவப்பு ஆடு (மந்திரவாதியின் உருவம்) அவர்களைப் பிரிப்பதுமாக 400 வருடங்கள் கடக்கின்றன.